نشر يوم الاثنين، 22 يوليو 2013
نشر بواسطة غير معرف
#شاهد # فيديو فيلم ١٦ دقيقة لأحداث #المنصورة #مصر
#شاهد # فيديو فيلم ١٦ دقيقة لأحداث #المنصورة
الاعتداء على مسيرة مؤيدي مرسي في شارع الترعة بالمنصورة يوم 10 رمضان
الاعتداء على مسيرة مؤيدي الدكتور محمد مرسي والمناهضة لحكم العسكر في شارع الترعة بالمنصورة من قبل بعض البلطجية بالخرطوش والأسلحة البيضاء وكسر الزجاج مما نتج عنه استشهاد 4 سيدات ووقوع حوالي 200 إصابة
== الفيديو من تصوير إحدى المشاركات في المسيرة ==
هشرحلكم الفيديو بالتفصيل :
1- في الأول مكناش نعرف ايه اللي بيحصل ، سامعين أصوات رصاص بس ماتخليناش أبداً انه دا يكون بيتضرب علينا ، افتكرناه ضرب في الهوا عشان يخوفونا بس
2- عند الدقيقة الأولى بدأ البلطجية يرموا أزايز مكسورة وطوب والرجالة اللي واقفين قدام كانوا بيردوا عليهم
3- هنا الرجاله قالولنا نروّح كلنا ، بس كنا محاصرين من ورا كمان ، فمعرفناش نتحرك ، كانوا الناس اللي ورا بيجروا قدام واللي قدام بيجروا ورا ، وحصل تدافع كبير وبنات كتير وقعت على الأرض
الرجالة أعادوا تنظيم نفسهم ، كانوا بيندهوا على بعض "اطلع قدام اطلع قدام " ، كتير منهم طلعوا قدام والستات وراهم ، والشباب كانوا بيقولولنا نكمل المسيره بسرعه وبقوه علشان نخوف البلطجية وندوس عليهم تقريباً !؟
5- عند الدقيقة الخامسة واضح ان الرجاله معظمهم ناحية البلطجية قدام ومسافه وراهم بعدين الستات بيتقدموا
6- الدقيقة 5:30 واضح فيها شوية بلطجية ، صورتهم أوضح في الفيديو الأصلي وسهل يتجابوا لو حد مهتم يجيبهم يعني!
7- الدقيقة 6 وسبع دقايق ، اللي لابس أحمر دا بلطجي برضو صورته واضحه في الفيديو الأصلي
8- الدقيقة 6 : 28 ناس في البلكونة بترمي على المتظاهرين ميّه !!!!!
9- الدقيقة 7 البنات اللي كانت بتخبط على ابواب المحلات كانت محبوسه مش قادره تتحرك من التدافع وفي بنات منهم بدأت يجيلها اختناق
10- الدقيقه 8:30 كان بيترمى علينا في اللحظه دي إزاز مكسور وطوب ، وقع جمبي بالضبط وجه في الناس اللي واقفين حواليا
11 - الدقيقة 9 واضح الكماشه اللي عملوها البلطجية علينا ، دول البلطجية اللي كانوا ورا ، غير اللي في أول الفيديو
بعدين دخلوا وراهم ، بس في رجاله كتير فضلت عند البلطجية في الشارع الرئيسي و قعدت تهتف " اثبت اثبت" وكنت بهتف معاهم علشان الرجاله يرجعوا
14- الدقيقة 12:33 كنت وسط الرجاله لاني فضلت قدام عشان اصوّر ، وكانوا بيدوسوا عليا ويدفعوني من كل ناحية بس معظم الستات كانوا ورا وبدأوا يدخلوا في العمارات اللي حوالينا ، لكن شفت برضو في الوقت بعيني دا ستات واقعين على الأرض وبنات بيتداسو في وسط الزحمة
16 - الدقيقة 13:50 الرجاله اتغلبوا على البلطجية اللي سادين نهاية الشارع الجانبي وعملوا كردون بيننا وبينهم وفضلولنا طريق آمن علشان ندخل في الشوارع الجانبية وفي البيوت
18 - الدقيقة 14 :30 دا شارع سامي الجمل ، ومنه بدأ الناس يتفرقوا في كل الشوارع الجانبية
19- الميموري خلصت في الكاميرا !
بعدين قابلت ماما واختي وروّحت معاهم
20- قابلت في الطريق عمو بابا صاحبتي بيسألني عن بناته لانه كلمهم وعرف منهم انهم محبسوين في عمارة وكان رايح يجيبهم
