نشر يوم السبت، 29 يونيو 2013
نشر بواسطة غير معرف
ادمن الداخلية فى بورسعيد يتحدث مع الاعضاء عن القنبلة
ادمن الداخلية فى بورسعيد يتحدث مع الاعضاء
من الاخر وبالبلدى, لو انا اتأكدت ان اللى اترمت فى الميدان النهرده قنبله هاقلكم واللهى
بس يا جماعه مافيش لا تأكيد رسمى انها قنبله
وكمان لو قنبله مستحيل حد يبقى واقف على بعد متر ولا تنين منها ومايحصلوش حاجه زى بعض الشهود اللى كانو قريبين منها لان القنبله بتعمل على خلخله الهواء وبتطلع مسامير و شظايا فى كل اتجاه وسيصاب القريب والبعيد
بالنسبه للناس اللى بتقول انها قنبله رمتها الاخوان احب اقولكم انه هايبقى اخر يوم للاخوان مش فى بورسعيد بس, لا وعلى وجه الارض كمان
لاننا مش هانسيب واحد منهم حى اصلاً
فلو كنت ضد الاخوان او ضد المتظاهرين, اصبر لحد ماتبان الحقيقه بالكامل علشان مايروحش دم حد تانى هدر ويفضل متعلق فى رقبتك ليوم الدين بسبب بوست غلط انت كتبته على الفيس تسبب فى اشعال فتنه
بالنسبه للصفحات والاكونتات اللى بتقول التقرير الطبى بيقول انها قنبله اقروا التقارير كويس قبل ما تنشروا اى حاجه
بالنسبه للصفحات والاكونتات اللى بتقول انهم كانو على بعد مترين من القنبله وشافو الواقعه صدقونى لو قنبله مش هاتبقو لسه فاضل فيكم حته سليمه لحد دلوقتى من على المسافه دى
ده تحليلى الشخصى وقد اصيب وقد اخطئ ولكنى لن اتحمل دم بورسعيدى او مصرى يراق بسبب الفتنه
اتعشم فيكم الكياسه والفطنه وتمالك الاعصاب حتى نرى الحقيقه كامله
