الإعلامية باسنت حسن عن وقف برنامج البرنامج
أعترض و بشدة على موقف قناة السي دبليو سي
من وقف برنامج " البرنامج"
غلطة حيدفعوا تمنها غالي
و بدل ما باسم كان مجرد عبقري معجون بمية عفاريت بقى بطل و مناضل بإمتياز
و طبعا الحركة العرة ده حتمنع الإخوان كريدت كنا في غنا عنه فهم لم يجرئوا على إيقاف البرنامج وقت ما كان يعري و ينتهك أفعالهم أسبوعيا
أتوقع تدخل المؤسسة العسكرية شخصيا لإعادة برنامج البرنامج بذكاء معهود و لو خاب ظني يبقى يا خسارة
و الأكيد إن باسم مش حيغلب و لو بيشوفه ملايين دلوقتي في كل العالم العربي
بعد كده حيشوفه مليارات
المجد للحرية
الحرية المطلقة
الهرية في مطلق أي ظرف
إحنا آسفين يا باسم
شهادة باسل رمسيس عن منع باسم يوسف
عن منع حلقة باسم يوسف.. هاقول رأيي وعليه العوض: قريت النهاردة في بيان سياسي تافه الجملة دي "نظام السيسي أصدر اليوم تصريحآ على لسان الببلاوي".. ليه البيان تافه؟؟ لأسباب كتيرة جدا.. من ضمنها اللي يخص الجملة دي. الأنظمة بكل أشكالها مابتدارش بالشكل ده.. بما فيها الأنظمة الفاشية. يعني السيسي مابيجيبش الببلاوي قدامه ويوقفه زي التلميذ ويقوله طلع تصريح يقول كذا. ده غير أن النظام في مصر دلوقتي عبارة عن كتل متصارعة.. مهياش كتلة واحدة. بتهيأللي أن المنع ماتمش ولا بأمر السيسي ولا بأمر أي حد من الحكومة زي ما ناس كتيرة بدأت تقول. القرار غالبا من القناة نفسها.. لأن بعض الخدامين.. اللي بيمسحوا بلاط السلطان.. بيبقوا أوسخ وأحقر منه. وبيعملوا حاجات هو أصلا مطلبهاش، ولا عايزها. غالبا المشهد الجديد من المسرحية دي هايكون أن السيسي يعبر عن اعجابه بباسم يوسف ويرجع، ولو علي قناة تانية. وكدة يكون كله مبسوط.. إحنا والسيسي والخدامين كمان.. لأنهم بينوا أن "الصنم" اللي بيصنعوه، اللي هو الجنرال، بيثبت أنه راجل عظيم وديمقراطي. القنوات القذرة دي.. المفروض إنها من ضمن النظام اللي عايزين نسقطه. نظام عفن لدرجة أنه مش قادر يستحمل ساعة سخرية. والمشكلة الحقيقية إنها سخرية بوعي وذكاء.
