نشر يوم الاثنين، 26 مايو 2014
نشر بواسطة هشام الصباحي
لسه جاي من اللجنة؛ حطيت في سيالة الجلابية كيس لب سوري أستعين بيه على التدخين وقلت لنفسي: عشان تتسلى في الطابور. على باب المدرسة نقيب جيش قال لي: عارف رقمك ؟ قلت له لأ بس أنا انتخبت هنا المرة اللي فاتت. قال لي كله اتغير ابعت رسالة برقمك القومي ل 5151. بعت الرسالة واكتشفت ان ما فيش حاجة اتغيرت غير رقم اللجنة. داخل المدرسة لقيت عسكري جاي يفتشني ذاتيا، زقيت إيده وقلت له: عندك جهاز كشف عن الحاجات هاته لكن تلمسني لأ. وع العموم أهو، ورحت مشلح فقال لي: بس خلاص. جوا الفصل/اللجنة ما كانش قدامي غير اتنين. قلت للموظف اللي ماسك الكشف: أمال فين الإقبال اللي بيقولوا عليه ؟ قال لي بلهجة من يدفع تهمة: احنا مهروسين من الصبح. طبعا صوت لصباحي يسقط حكم العسكر
لسه جاي من اللجنة؛ حطيت في سيالة الجلابية كيس لب سوري أستعين بيه على التدخين وقلت لنفسي: عشان تتسلى في الطابور. على باب المدرسة نقيب جيش قال لي: عارف رقمك ؟ قلتله لأ بس أنا انتخبت هنا المرة اللي فاتت. قال لي كله اتغير ابعت رسالة برقمك القومي ل 5151. بعت الرسالة واكتشفت ان ما فيش حاجة اتغيرت غير رقم اللجنة. داخل المدرسة لقيت عسكري جاي يفتشني ذاتيا، زقيت إيده وقلت له: عندك جهاز كشف عن الحاجات هاته لكن تلمسني لأ. وع العموم أهو، ورحت مشلح فقال لي: بس خلاص. جوا الفصل/اللجنة ما كانش قدامي غير اتنين. قلت للموظف اللي ماسك الكشف: أمال فين الإقبال اللي بيقولوا عليه ؟ قال لي بلهجة من يدفع تهمة: احنا مهروسين من الصبح. طبعا صوت لصباحي
يسقط حكم العسكر
