نشر يوم الجمعة، 21 مارس 2014
نشر بواسطة هشام الصباحي
رسالة محمد هاشم إلى السيسى
أول ما السيسي قال تقشفوا تصحوا ، واغمز مصر بنص اللى ف جيبك يا فقير ، وسيب لها علبة سجائر تحت المخده ، افتكرت كلام حسنى مبارك عن الست ملاعق سكر على الشاى ، وانتوا كتير وبتكتروا ، وبدايات انهيار صورته عند الرأي العام ، قبل انطلاق حركة كفايه ، ومابعدها ، وقتها كنا بنرد عليهاو بنلسن ونقول له : المشكلة فى فساد نظامك يابا الحاج، والحراميه اللى يسدوا عين الشمس ويلوثوا الهواء والحياة اللى بتحميهم وبتحمى مصالحهم .
السيسي كمرشح باختصار يعيد انتاج نفس روءية نظام مبارك لحقوقك ولحريتك ولكرامتك ، ببساطه المشكلة فيكوا انتوا يا شعب ابن وسخه ، بتآكل وبتخلف كتير ومابتفكرشى في مصر ، كان مصر دي بلد تانيه غير بلدنا.
، مصر مش القمع والمصادره والتخوين والتخويف وأكل الحقوق واعتبار الشعب هو المشكلة
، المشكلة فيك يا حضرة الضابط البيه المشير ،
وفى الإرهاب باسم الدين
والإرهاب باسم الوطنية ،
طبيخك بايت يا مرشح النظام القديم ومش ها تقدر ترهبنا ....
يسقط مقدما يابنى انت وهو
ياللا بينا
آه وتسقط الكفته ودماغها معاه
